Info@lankasathosa.org
011-2307512
5th Floor, CWE Secretariat Building, Vauxhall Street, Colombo 02, Sri lanka.
ලංකා සතොස සහ 4 ever ආයතනය විසින් සිදු කල ප්‍රජා සත්කාරක ව්‍යාපෘතිය | Lanka Sathosa Ltd

ලංකා සතොස සහ 4 ever ආයතනය විසින් සිදු කල ප්‍රජා සත්කාරක ව්‍යාපෘතිය


ශ්‍රි ලංකාවේ විශාලතම සිල්ලර අලෙවිසැල් ජාලය වන ලංකා සතොස ලිමිටඩ් හා 4 ever ආයතනය එක්ව ප්‍රජා සත්කාර ව්‍යාපෘතියක් වශයෙන් දකුණු කොළඔ ශික්ෂණ රෝහලේ මාතෘ ඒකකයේ වාට්ටු අංක 18හි කලක පටන් පැවති අඩුපාඩුකම් රාශියක් විශාල මුදලක් වැය කර සපුරා දෙන ලදී.


දකුණු කොළඔ ශික්ෂණ රෝහලේ අධ්‍යක්ෂ වෛද්‍ය අසේල ගුණවර්ධන මහතා ඇතුළු කාර්ය මණ්ඩලය වෙත 2018 අගෝස්තු මස 16 වන දින ලංකා සතොස ප්‍රධාන විධායක නිලධාරි ආචාර්ය එස්.එච්.එම් ෆරාස් මහතා ඇතුළු නිලධාරීන් සහ 4 ever ආයතනයේ ප්‍රධාන විධායක නිලධාරි ප්‍රියන්ත අබේරත්න මහතා ඇතුළු නිලධාරීන් විසින් නිල වශයෙන් රෝහලට අවශ්‍ය අයිතමයන් භාර දෙන ලදී.

ඉදිරියේදීද මෙවන් වූ ප්‍රජා සත්කාර ව්‍යාපෘති රාශියක් මගින් ලාංකික ජනතාවගේ සුභ සිද්ධිය ඉහළ නැංවීමට ලංකා සතොස ආයතනය කටයුතු සලසා ඇත. “වෙළදපොලේ මිල තීරකයා වන ලංකා සතොස ආයතනය සැම විටම මහජනතාවගේ සුභ සිද්ධියට ප්‍රමුඛත්වය ලබා දෙන ආයතනයක් බවට පත් කිරීමට සැලසුම් සලසා තිබෙන අතර, වර්තමානයේ වෙළදපොලේ මිල ගණන් උච්චාවචනය පාලනය කරමින් ලාභදායී ආයතනයක් බවට ලංකා සතොස පත්වෙමින් පවතිනවා. එසේම එම දියුණුවත් සමග ලංකා සතොස ජනතාවගේ ආයතනයක් වශයෙන් ඔවුන්ගේ සමාජීය අවශ්‍යතාවයන් ඔප්නැංවන්නට සහ එහි ප්‍රතිළුලයක් වශයෙන් පළමු අදියර යටතේ පළමු සමාජ සත්කාර වැඩසටහන පසුගිය සතියේ දකුණු කොළඔ ශික්ෂණ රෝහල් පරිශ්‍රෙය්දී අති සාර්ථක අන්දමින් පැවැත්වූවා. එසේම ලංකා සතොස මගින් මෙවන්වූ තවත් සමාජීය අවශ්‍යතාවයන් හදුනාගෙන ඒ සදහා පිළියම් යොදමින් ජනතාවගේ සමාජීය
අවශ්‍යතාවයන් සපුරාලීමට කටයුතු කරන බවට ලංකා සතොස ප්‍රධාන විධායක නිලධාරි ආචාර්ය එස්.එච්.එම්. ෆරාස් මහතා පවසන ලදී.”

 

Back
Copyright © 2018 Lanka Sathosa Ltd | Designed by IT Department
Last Updated - 2019.02.15